البن او القهوة او الجبنة كلها اسم لذلك المشروب السحري طبعا كلامي دا لكل محبي البن السوداني حتقولو لي ياخي في السخانة دي قهوة .. قولى حاجة باردة اسكريم انشاء كركدي .... لكن اتضح انو المشروبات الساخنة مفعولة اقوى من المشروبات الباردة لكن بس هي محتاجة زمن عشان يظهر مفعوله
المهم نرجع لي موضوعنا رائحة البن بشرط انو يكون مقلي على نار هادئة يعني ما تحرقوا وياحبذا انو يكون في مكان واسع ومرشوش بموية طبعا دي صعبة شوية بعد (السراميك) المهم من باب الاماني.
ومن المهم انو يكون معاك ناس كيفيين قهوة عشان ما تحس انك تعبت ساي في السخانة دي وبعدين لازم يكون ونسة الناس دي خفيفة الظل عشان ما تخرب ليك مزاجك .... وبعدين لازم تعمل في القهوة دي بهارات واهم شي (الهبهان) وما تكون في (سيرمس) لانو بتغير طعم البن ... وياريت يكون في بخور او (ند) عشان نخلطو بي عبق البن ونطلع احلى رائحة (زي ما قلتا للكيفيين بس).
والعايز يشرب في فنجان او كباية هو حر حسب مزاجو
اقول ليكم حاجة لو في ناس عجبتم قهوتي دي انا عازماكم نوع من الكرم السوداني وعشان يكون عندهم نفس مزاج قهوتي لانو الناس كلها بقت في المشروبات الباردة امكن حسب حكم الحضارة ولاشنو.
وبعدين بالهناء علينا

اشكرك

اختي عسجد

على الموضوع

الاكثرمن

جميل